امرایت شمس
ابــــــدعت فکرت تلاعب مفردات
حتی احس گربک یمن ثامن مجیب
بیرق انته وصح ترف کلش بعید
بیــــــرق التقرا عکس تلگا قریب
اشما ادگ باب الفکر لجل القصیده
ماتحل الباب چـــــــــاوین الشطور
طیرت شوفی اعله ظهر المفردات
لن شفتهه اگبــــــال شباچک تزور
انته کلمت کلمت دعاءک یا امام
تصعد السابع سمه ابسرب الطیور
ابکثر ما یبتل جبیــــنک بل دعاء
من ما تخشه ربــــــتک بل حضور
یندمج عرگ الجبین ویه الدموع
صورتک تشبه نده ابحضن الزهور
الیل کحله العین شوگک بل صلات
النجم تربا وخلفک اتصلی البحور
شبه مشی المای مشیک لل اله
المای یمشی الغایته وقط مایدور
انته ما تهوا القصر تهوا القصیر
قصدی تهوا الکوخ وتقدمه السرور
یضه گبتک مثل گلبک یل رووف
لچن صـــــفرا انشوفها العدت امور
من تشوف ابحضرتک یمشی الفقیر
اتصیر صفرا من الخجل لنک غیور
من تلم الورد تلتـــــم العطــــــــــور
امرایه گبتک لشمس وکت الطلوع
اتمشط ابگذلاتهه وتنطیـــــــــنه نور
ابگد حروف اچلم دعاءک بل خشوع
اتهل دمع بل لیل من تدعی الغفور
کل شطر من شعری زایر وعتناک
یا امام الرضا عفــــــــوا عل قصور
بیه شوگ ازیـــــــــارتک گد اشتیاق
نضرت الایـــــــــــتام وامهــــم بل قبور
نسیم النبگانی