انا ابحر المشاعر واجهت صفنات
وعواصف وصفی بسمک یلرضا اشتدت
توضیت ابخیالی وعل ورق صلیت
ملائک شعری لجلک عل ورق نزلت
تقارن طبع عدک وی علی الکرار
وامال الیتامه ابجیتک انولدت
ابمهد گلبک تسلهم للیتامه اجروح
وایمانک یلولی اعلیهه لوفزت
من گد مستحاک اتلثمت بلیل
وادموعک اهلال وعل وجن هلت
لوما چف صلاتک عل فجر دگ باب
ثق چان الشمس للحین ماطلعت
سجدتلک ملائک لن ملک بدین
ولن صاحب جلاله وهیبتک جلت
حلم یوسف لونک چنت حاضر بیه
سجدلک وی کواکب سیدی السجدت
ابمدینت علم طاهه افتحت ثامن باب
وحیات اهل العلم من بابک استبدت
الکتب عنک غریب ابصفحت التاریخ
یرد لازم یصلح صفحه النکتبت
سعاده الغربه عدهه اویاک من اتعیش
چه نظرت وطن بعینونک انوجدت
مرسوم ابخیالک چف گمرعدنان
وشتل وردت الغیره ابگصتک وندت
ولئن معصومه تشبه زینب الحورا
دگیتلهه خیمه ابگلبک وگعدت
مسمی اباسم حیدر واسمه یگطع روس
کیف اقنع اشفافک للعنب خضعت
العنب زایر اجاک وشفتک شباچ
واچفوفه گصیره انمدت وردت
بس نیته اوصلت واعلمت گلبه اشراد
طلب روحک امراد و روحک انمدت
ولو مامن عظمتک واثق ابراهیم
معجزته اعجزت والنار ما بردت
عبدالله عمرانی