احبـــابی الی علیه الشین بدوه
جفونی واگطعو والطیــب بدوه
شجاهم مای حبنه ابعجل بدوه
اظن غشهم سراب اللمـــع میه
مرتضی النیسی
↧
مرتضی النیسی
↧
ابو ماهر العتقی
احب دورگ هلـــی اوشطه ونخلا
وحــــب غربیـــل برکتـــنه ونخلا
العزه ابچف مجـــد گومی ونخلا
اسف ولعوز شدلی اچفوف ادیه
ابو ماهر العتقی
↧
↧
کلمات السیده عاطفه نوری
حســــرتي اعليك يمعـــــدل بعدما
تنعـــــــــد والنظـــــر مابي بعدما
اوعدت ان ما اجي البيـتك بعدما
امر والشــــوگ جرني ابلاوعيه
کلمات الادیبه:عاطفه نوری
↧
رساله من الاخ الغالی منصور الزریج زبیدی
هلی عوج المناســـف من دللهم
درب الکــــرم سابج من دللهم
اکروم الناس تشرب من دللهم
هلی کندس علی اخشوم العدا
منان شبیب الزبیدی
↧
الشاعر عادل الصخراوی
اسف شح مالگـــت روحی ولمها
اعتقـــد ولهل سبـــب زاید ولمها
تطش حفنت صبـــــر بیه ولمها
اشملمها البین طشرها من ادیه
من بلبــــول یـــــوده وبیه یدلای
الیگول بمجـــد چنه وچان یدلای
عساچر امس چود اتصیر یدلای
و ترد عیلات وکتی اخلاف ادیه
الشاعر عادل الصخراوی
↧
↧
ابو ماهر العتقی
وحگ دورگ هلی اونخـــلا وشطه
انحس وکتی اشــــاخذ منی وشطه
الاسه ابگلبی یشط لاحض وشطه
اتســــع وشلال مــــــــایرهم علیه
ابو ماهر العتقی
↧
رساله من الاخ الغالی محسن مزرعه
هلی یل صـــــطرو العایل بیدهم
او صلاطین الدهر تحلف بیدهم
اشما لح الخصـــم ماظن بیدهم
هلی بسیـــــــوفهم گصو رگاب
هادی الغزلاوی
↧
ابوسجاد السلامی
ابجفه ناسی وهلی البضیج شالو
الحمل ما ارتدی من زیـن شالـو
الگلب حی چی الآه الکون شالو
رافــض مابــگیت ابــهـــل عزیه
ابوسجادالسلامی
↧
رحیم المنهل
الیعیــل اعلا الوطن یاصاح یندام
اعلا خشمه والیرشا ابمای یندام
الیخون الاهل باول ضیــج یندام
اویضل مطروح حمله ابلا تچیه
رحیم المنهل
↧
↧
ملا فاضل السکرانی
شهگ با شگ شبابی وگع منطار
ابتعذیب المشیـــب الچبــــد منطار
بگه امنــــــلعمــــر یا خلان منطار
فجر و اتنــــطر اطــــروش المنیه
ملا فاضل السکرانی
↧
سالم الساری
وحگ المنکســـــر بلطف ضلعله
عله المخلوگ اخو زینب ضلعله
نزع چفین ابو الغیره ضل اعله
العقیله الهـــدمت سور ال امیه
سالم الساری
↧
رمضان العگیلی
امنشم زیـــــجک وصد ینزاح ولمای
یلبشعـــــــــرک یفوی اروی والموی
من اتعتنی او تظمنی ابعطف ولمای
یلامـــــــــــس شفــــتـــــک دستلذبیه
رمضان العگیلی
↧
حسین الحیدری
یناب الوکت من کل کتـر عضبای
لئن ماسلم من اعضــای عضبای
جفوعنی ابعسری وچان عضبای
الهم نـــــازع اگـــرابه ابکل ثنیه
حسین الحیدری
↧
↧
احمد جاسم الهلیچی
عگب عیــــــنک یناهی منیسلینی
اشغلت بالی وغرامک منیسلینی
ولله الواشی عنـــــک منیسلینی
الدنیه اتضیـــــــج بیه امنل اذیه
احمد جاسم الهلیچی
↧
یاسر الشیخ کریم العنافجه
المضــــــایف والشیـوخ اکثرت عدنه
اوبل ماتم فرحنـــــــــه وصار عدنه
العلیه تحسب شریف السلف عدنه
اشمالا اویا لیــهل یــــرکض سویه
یاسر الشیخ کریم العنافجه
↧
عزیز ابو عبیر البریهی
بنه امحمد نـــــــــــــزل لهــــل الدواوین
بناه ابســـــــاعد الغیــــــره وسفه العین
او شرب کـــاس الالم من ایــد الجروح
وزعـــــل شــــــریان دمــــه او شرایین
وکبر عمــــــرالیالـــــی وذیــــب الهموم
ذبـــــح شاة الصبــــــــر من غیر سچین
لچــــــــــــن زوم الـــــوکت ما یوم وطّاه
ونهت من جـــور قهـــــر الّاحگه اسنین
یذر ملــــح اعله جــــرحه و گام علحیل
یروحـــــی امـــن الألم بالــــــــچ تلویین
علّــــــــگ عـــــزته ابریشة جنـــــح باز
وتباها امن الرعیـــع الهــــــاوی الشین
ورفض طبـــــع الردی او ما یوم خاواه
وصحب طبع العفیــــــــــف الحاوی زین
وکسر قفل الضنک بچفـــــــوف من طین
ویــــــــود ناس التـــــذکره ابناس طیبین
وقســــم برض الطهاره الحاضنه الطیب
لضع جـــــدمی اعله درب اهـل المیامین
ومشه وعرگ الینگط غیــــــض وعتاب
مشه اولا صــــاحــــب ایشــــایل ولیعین
خنگ عبـــــــــرة دمعــــة ابهـــــدوةالیل
ومسحها ابطارف اچفـــــوف المساچین
و دفن ظیـــــم الیظکه ابخنـــــــدق الیل
یخاف امن الشمــــــــس لتعـــــلم العین
شـــعل تنور صــــــدره ابوگــــــــدةالآه
او یطفیـــــــها ابدمـــــع عین المحبین
ویعنها ابلارسن و الصــــــــوط خیال
مهرته المن النخاها الّــــــا تحسرین
ومیزاب الدمــــع شگ گـــاع الخدود
وزرع نشوة حـزن من کل شبه طین
وســـــــقط حظ الیبـــــدل یوز حذاف
بدل عز الطیور الصــــــــــگر شاهین
عزیز ابو عبیر البریهی
↧
ابو ماهر العتقی
صحیـــب الیاه متلــــگی یهاوین
مشه و مثله اباسه یاهو یهاوین
یصوت الامل ما سمعک یهاوین
هلی ابنقـــــمات صوت رد علیه
ابو ماهر العتقی
↧
↧
یاسر الشیخ کریم العنافجه
التحـــــچی الحگ یخی گو طرت مامن
ولا ویــــــه فلیــــــح الگیــــــــت مأمن
العجب طگنی اعلا واوی الزور مأمن
ویگـــــول اســــــــــــباع شوگلت علیه
یاسر الشیخ کریم العنافجه
↧
ابو ماهر العتقی
رشه المارام درتمـــــــــا ورمضان
هوه اوبحشای هیج انه ورمضان
ابفـــــرح شعبان ودعته ورمضان
یهل وضما یحل ویجـــــــــــور بیه
ابو ماهر العتقی
↧
ناصر فرطوسی
شهر رب الکریم اضاف ینضاف
تقوا من جمیــــع اذنوب ینضاف
البید الکون واجب کون ینضاف
ابرمضانه او رحمتــه القاط میه
ناصر فرطوسی
↧