الدنیه فدوه اتروح لسمک حیدرا
فارس الاسلام قالع خیبرا
حیدر الکرار هارون النبی
هم عضیده اوهم وزیره اوهم وصی
والله یابو اتراب نلت اشما تبی
وابوصفک الاشعار کلها امحیرا
امحیره اچلم الشعر ویه الشعور
لنه ما توصف مقامک یا جسور
زوجتک بنت النبی او ولدک بدور
او کل علم مولای انته امفسرا
لل علم طه المدینه او انته باب
و الی ما والاک یسکن بل عذاب
ولل الذی اموالیک تحضر بل حساب
امن الصراط اچفوفک انته اتعبرا
امن الصراط اتعبر الیندب علی
یا سراج الدین یا نخوت هلی
یا غضنفر یا امامی الاولی
الیندبک مولای دایم تحضرا
اتحضر الینخاک یا حیدر اکید
امحطم الطاغوت یا نعم العضید
بس لدا الایتام کل حیلک یبید
او لل فقیر اتصیر تچایه او ضرا
لل فقیر اتصیر چن والد حنون
تنفی منه الظیم واتزیح الشجون
یا ولید الکعبه متخیب الظنون
انته امیر الدین والحگ مظهرا
انته امیر ابلا اماره او لا قصر
او لا یصح مثلک امیر ابکل عصر
طبعک المظلوم تهدیله النصر
الیعیل ابلایه حگ دایم یذل
هاذه امرک یا علی ابقول وفعل
انته عون الزین ما تهوه النذل
یا علی الینخاک دوم اتناصرا
یاعلی الکفار ضد الله احکمو
او چم مناضل حر یبو احسین اعدمو
عاین افلسطین مولای اسگمو
والیصیح الثار گصو منحرا
الیصیح الثار یا حیدر یروح
سکتت الحکام واتشوف الجروح
تبگه لاوین ابنصتها او ما تبوح
اعقود مرت والیهود المصیطرا
اعقود مرت واحنه نتهل بحتلال
یا علی ایهودی الحکم چفه الدلال
یا علی اطفال البست درع القتال
او غزه یا مولای صارت مجزرا
غزه یا مولای خصمک شبه نار
ما هو طبعک تسکت اگبال الدمار
گوم شد درع الحرب کض ذوالفقار
اوحشم العباس سبع الگنطرا
حشم العباس وحسین الجسور
او مالک الاشتر وزیرک یاغیور
گلهم الاسلام حاطته النسور
او غزه لازم تصبح الهم مگبرا
قاسم ابو میلاد النیسی