اشم ریحت حــــــرگ چــن یحترگ باب
او فزع مانع خیالی اعله الهــوا الهاب
بعد لتهب یریــــح ارجـــــــوک لحظات
لن ام الحســــن وگعـــــــــــت ور الباب
اوصده صوت النحیب امن العرش گام
محمد چن صــــــرخ من عظم المصاب
جنـــح جبریـــــل اعایــــــن مشتعل النار
اصدن للســـــما حتـــی العـــــرش گاب
اوترس اذنی اسمعت تتکســـر اعضام
ضلع فاطم یلاهی امن العصـــــر عاب
ورا الباب الشمس وگعت علــه الگاع
او جسمه امن الالـــم شبه الشمع ذاب
بگت تشعر بلم وآنـــه اســــمعت بیت
تخاطب چــــــن محمــــــد هاذه لعتاب
عگب عینک یبویه الگلب بیدای
علیک وحگ لون اسکنت بیدای
من ضلعی اشعلت بسمار بیدای
نبت حین اهجــمو گومک علیه
صده کســـــــر الضلوع ابذنی چن بات
او وگع محســــن رمیه ابحضن التراب
اواجت زینب تفرفرو الصـــــــبر فاض
الدهر چـــــن ذیب لیه امکشــــر الناب
او فزع لما الحســـــــن ویحشم احسین
اشــــوفنهم صـــفوچن تــــــــــوم شیاب
انهدم متن الســـــــــحاب ومرضعن نور
شفت حـــور انزلت ومفــــرعه لحجاب
اشـــــوفن مریـــــم العــــــذار لو طیف
حضنت فاطمه ومنها الدمــــــــع ساب
غدت ضــــجه خیــــــالی النــــار والنور
واحس نفس اختنگ وبریــــــتی عطاب
وگــــف فعل الزمـــــان الکون بسکوت
ولا فاعـــــــل تحــــــــرک والامــــر آب
بگت صــــــــــرخه اباذان الوکت للیوم
تنادب مهــــدی عجــــل شــــگ الگراب
حسین السلامی